"KUMUSTA?" pagbungad na katanungan ni Madison sa nobyo. Bagay na hindi batid ni Geofferson kung para saan ba ang katanungan na 'yon, kung para kay Brent ba o sa pagkikita nila ni Adelle. At habang nananatiling walang kasagutan si Geofferson ay nagawa niyang sundan ang tanong, "Kumusta ang pagkikita n'yo ni Adelle?"
"Parang gano'n pa rin, ipinipilit niya pa rin ang tungkol sa amin."
Tila gustong matawa na mainis ni Madison. "Sinasabi ko na nga ba, e. At hanggang kailan ba siya patuloy na maghahabol sa'yo?"
"Stop worrying about her, Mads. Kahit na--" Sandali itong napabuntong hininga at nagdesisyong hindi na ipagpatuloy pa ang sasabihin. Doo'y sinentro siya nito ng tingin at nagawang hawakan ang kanang bahagi ng mukha niya. "No matter what she say, ay hindi magbabago ang desisyon kong
