NANAIG ang takot sa pagitan nila ni Jasmine at hindi rin naman niya inaasahan ang bubuksang katanungan ni Mang Berto, "Kilala mo ba ang isa sa kanila, hijo?"
Dahan-dahan siyang napatango bilang kasagutan. At sa hindi malamang dahilan ay tila ngayon lang siya nakadama ng takot nang makita ang seryosong tingin sa kaniya ni Jessica. "Sino ang kasama ni Ate Mara?" Narinig niyang tanong ni Jasmine.
At sa puntong 'yon ay kusang bumigkas ang kaniyang bibig. "Si Jessica." Anong kilabot ang nadama ni Jasmine hanggang sa kusa itong bumitiw sa pagkakahawak ng kanilang mga kamay. Bagay na ipinag-alala niya nang sobra.
Pero kahit gano'n ay nanatiling kalmado si Mang Berto at sinabi, "Ayos lang, hija, gagawa ako ng paraan para makita mo rin ang kaluluwa ng kapatid mo."
Sinundan niya ng tingin si Ja
