PAGKATAPOS NGA ng kanilang duty na magkaibigan ay saka sila dumiretso ng biyahe patungo sa Tarlac. Wala silang idea kung saan banda sa Tarlac ang tirahan ni Madison ngunit nanaig pa rin ang pag-asa niyang makikita roon ang nobya, dahil na rin sa suportang ibinibigay sa kaniya ni Topher.
Bale, sinamahan niya na muna si Topher na maiuwi ang kotse nito sa bahay dahil mismong ang kaniyang Toyota Vios ang kanilang sasakyan patungo sa Tarlac. At para na rin isang sasakyan lang din ang kailangan pa-gas-an. Si Topher na ang nagpresintang magmaneho dahil sigurado ang kaibigan na madalas siyang magiging lutang sa biyahe, sa kaiisip kay Madison. Bagay na ipinagkatiwala niya naman sa kaibigan kahit na may panunukso ito sa kaniya.
Kung mahigit tatlong oras ang byinahe nila ni Jasmine noong nagpunta s
