Makalipas ang ilang linggo. Wala nang paramdam sa akin si Richter. Lintik! Matapos manggulo biglang mawawala? Tumigil na rin ito sa pagpapadala sa akin ng bulaklak at luto niyang pagkain.
"Madam, baka po masira na ang laptop niyo," pag-aalangan na sabi ni Sheila, sekretarya ko. Napatingin ako sa pagtitipa ko sa laptop. Sobrang mabibigat ang pagpindot ko na may halong galit at poot. D4mn it!
Sinamaan ko siya ng tingin at hindi pa man ako nagsasalita ay kumaripas na kaagad ito ng takbo palabas ng aking opisina. Alam na siguro nitong susungitan ko siya. Pero mabuti na rin at umalis siya para hindi ko maibaling sa kaniya ang inis ko.
Nasaan na ba si Tessa? Nag-file na rin kasi si Sheila ng resignation letter. Mukhang hindi na ako matiis at kating-kati nang lumayas. Naisip ko bigla na si Tes
