Atoy's POV
Simula nang makilala ko si Garlic, nabigyan ng pagkakataon ang buhay ko para ungkatin ang tunay kong mga magulang. Naging inspirasyon siya sa akin dahil sa mga positibo niyang pananaw sa buhay. Alam kong napakabata pa niya pero may mga pangarap siyang pinaglalaanan niya ng oras para abutin ito kahit minsan mahirap para ito'y sungkitin. May mga bagay din akong natutuhan sa kaniya.
Hindi ko nga lang maintindihan ang aking nararamdaman. Alam kong mas higit pa sa isang kaibigan ang nandito sa aking puso para sa kaniya pero nag-aalinlangan ako. Mas kailangan niya ako bilang isang matapat na kaibigan.
Ipinakikita ko sa kaniya na nahuhumaling ako kay Miss Kylierose pero ang totoo, sa kaniya talaga nahulog ang loob ko. Gusto ko lang kunin ang reaksiyon niya kung nagseselos din ba siy
