"Huwag!"
Sabay kaming sumigaw ni Barbara nang tutukan ng baril ng isang lalaki sa ulo si Atoy dahil nagmatigas siyang bumaba.
"Gusto mo bang sumabog ang utak mo? Pumili ka, lalabas ka ba o papatayin kita ngayon?" Tila galit na ang lalaki kaya lalo kaming nataranta.
Naiyak na rin si Baby Chilric kaya hindi ko alam kung ano ang dapat kong gawin.
"We are in distress right now. Please do us a favor. Hayaan mo kaming makauwi. Maawa po kayo kung sino man kayo. Kung pera ang hanap ninyo, wala kaming maibigay sa inyo. Mahirap lang po kami," pakiusap ni Barbara.
"Wala kaming pakialam kung distress man kayo. Mas malaki ang patong sa mga ulo ninyo kaya sa tatlong bilang, kailangang makalabas na kayo. Isa...dalawa...ayaw pa ba ninyo?"
Narinig na namin ang kasa ng baril kaya wala kaming nagawa
