Nang gabing iyon ay hindi kami nagtagal sa hospital. Umuwi rin kami sa mansion kasama sina Nay Sofie, Barbara at saka si Atoy. Ayaw pa sana niyang umuwi dahil gusto niyang manatili hanggang makalabas si Maam Kittie ngunit pinayuhan na rin siya ni Maam Butter na maunang umuwi kasama namin.
Nakauwi lang kami ngunit hindi man lang kami nagkalapit ni Sir Peanut. Hindi man lang kami nagkausap dahil sa tuwing gusto ko siyang lapitan ay nauunahan ako ng pag-alinlangan. Hindi man lang siya tumitingin o lumilingon sa akin na para bang ayaw niya akong makita. Kapag pumapasok ang doktor ni Maam Kittie ay siya ang kumakausap. Pati ang kaniyang boses ay tila kaylamig. Parang pinipigilan niya ang kaniyang sariling umiyak.
"Hindi ba niya ako kailangan sa buhay niya? M-mahal nga ba ako ni Sir Peanut or
