Malapit nang maghating-gabi nang bumalik si Ate Sparkle. Nakaidlip na rin ako kahit saglit. Hindi pa rin ako mapakali lalo na at naiisip ko si Atoy at si Sir Peanut. Hindi ko alam kung ano na ang kalagayan niya gayong may sugat siya dulot ng pagkasaksak ni Maam Vanilla sa kaniya.
Hindi ko rin maintindihan kung bakit iniligtas ako ni Sir Peanut mula sa mga kamay ni Maam Vanilla. Naisip ko rin dahil anak niya ang dinadala ko. Marahil kung hindi niya ako niyakap, tiyak na sa tiyan ko tumama ang patalim at may peligrong nangyari sa amin ng anak ko.
Hinimas ko ang aking malaking tiyan. “Anak, pasensiya ka na ha, naging magulo ngayon ang buhay ng Mommy Garlic. Hindi pa ako makalaban nang maayos sa mga taong umaapi sa atin. Kailangan din kitang proteksiyunan. Sisikapin kong makalabas kang mal
