"Zeus! Si Stephanie!" Nag-aalalang tinig ni Hera. "Ang anak ko!"
"Hanapin si Achlys kahit saang lupalop! Sabihan din ang iba!" mariing utos ni Zeus sa mga kawal. Yumukod ang mga ito saka naglaho.
Tumayo si Athena at hinarap ang mga nahintatakutang Demigod. "Mas makabubuting bumalik na muna kayo sa Academy."
"Hindi pwede, 'Ma, paano si Stephanie? Tutulong kami sa paghahanap sa kanya," nag-aalalang sabi ni Jared.
"Jared, anak, wala kayong magagawa sa isang katulad ni Achlys. Isa siyang imortal," paliwanag ni Athena sa anak.
"Hindi po pwedeng manahimik na lang kami sa isang tabi. Kaibigan namin ang tinangay niya at hindi kami makapapayag na masaktan man lang kahit dulo ng daliri ni Steph!" sagot ni Lav.
"Anak, gagawa kami ng paraan, pangako. Sa ngayon ay umuwi na muna kayo. Mas lalong m
