LABAG sa loob kong nilisan ang apartment ni Aki at nagtungo na lang sa condo. Dahil tanghali na rin ay nagpa-deliver na lang ako ng makakain, ngunit nang nasa hapag na at maramdaman na naman ang pagiging mag-isa ay nawalan ako ng gana.
Kumain na kaya siya?
Marahas akong bumuntong hininga at dinukot ang phone sa bulsa ko. Lumunok ako at nagtipa ng mensahe para kay Aki, pinapaalalahanang kumain na siya at kung sakaling may maramdaman na kakaiba ay huwag na magdalawang-isip na tawagan ako.
Yes, this is me. Ako ang unang nagalit sa kanya pero sa huli ay ako rin ang manunuyo. Hindi ko matiis ang babaeng 'yon kahit na anong gawin ko. Hindi rin matatahimik ang sistema ko hangga't hindi kami nagkakaayos.
Ramdam ko ang pagbara ng kung ano sa dibdib ko nang makatanggap ng reply kay Aki. Sa dami
