"AKIRA, nandito na ang sundo mo."
Ramdam ko ang pag-iinit ng pisngi dahil sa narinig na sinabi nila. Mabilis kong dinampot ang bag at isinukbit ito sa balikat ko.
"Rosa, mauna na ako. Hindi muna kita masasabayan sa pag-uwi," paalam ko sa kaibigan.
Sunod-sunod siyang tumango at kininditan pa ako. "Enjoy!"
Tanging isang nahihiyang ngiti at tango na lang ang naitugon ko sa kanya bago lumabas na ng locker room. Ni hindi ko na inalintana ang panunukso ng ibang kasama namin sa loob nito.
Nang makalabas ng locker room ay naabutan ko rito sa labas ang sinasabi nilang sundo ko. Kaagad kong nakuha ang atensiyon niya nang maramdaman ang presensiya ko sa harapan niya.
He gave me a smile. "Hey."
Mahina akong natawa dahil sa paraan ng pagbati niya sa akin. Humakbang pa muli ako palapit sa kanya a
