Mabilis na tumakbo palabas si Shan at napatakip sa kaniyang bibig nang makitang nakalayo na ang kotse ng binata. Napaupo na lamang siya at hinayaan ang luhang umagos.
“Patawarin mo ako, Cross. Patawarin mo ako,” aniya sa mahinang boses at humagulgol.
Kinabukasan ay nakauwi na ang dalaga sa barangay. Sabado naman kaya wala siyang trabaho.
“Mama,” tawag ng anak niya. Nginitian niya ito. Manang-mana talaga ito sa ama niya. Binuhat niya ito at hinalikan t’saka nakipaglaro sa anak.
“Mama, sakit tummy,” wika nito. Kaagad na kumunot ang noo niya at hinawakan iyon.
“Are you hungry?” tanong niya rito. Umiling ang bata at ngumisi.
“Want aysh shem,” sagot nito. Kaagad na napangiti si Shan at napailing.
“Ang tuso mo,” aniya rito.
“Sai!” tawag ng Ninang at Ninong nito. Kaagad na tumakbo
