Kinabukasan ay maagang umalis si Sai. Hindi siya pumunta sa trabaho. Inaaliw niya lamang ang sarili niya. Naghanap siya ng lugar na puwedeng mapagpahingahan. Dinala siya ng paa niya papunta sa isang children’s park. Kaunti lamang ang mga tao at wala siyang kilala ni isa. Nakatingin lamang siya sa kanila. Ilang beses na tumunog ang cellphone niya at tumatawag ang kaniyang asawa. Tiningnan niya lang iyon at hindi sinagot.
Alam naman niyang humihingi ng kapatawaran si Allaric at kita niyang sinsero ito. Alam niya ring mangyayari talaga ang ganoon lalo pa at kasama nito si MJ. Hindi niya lang akalain na aabot ang babae sa ganoon. Ang hindi niya lang maintindihan ay kung bakit kapag nasasaktan siya nang sobra ay hindi siya umiiyak. Walang luhang lumalabas sa mga mata niya. Hindi niya alam
