CHAPTER 61
Biglang naging seryoso ang mukha ng dalawang magkapatid. Nag-aabang ito sa mga susunod na gagawin namin ng kapatid nila.
Nagkatinginan si Senyorito Isidro at Senyorito Alejandro at sabay na tumango sa isa't-isa.
“Sa labas na muna kami,” paalam ni Senyorito Isidro sa amin. Nanlaki ang aking mga mata at gusto ko ng tumutol agad at sumama na lang sa kanila sa paglabas nilang dalawa.
Ang awkward na nga kahit nandito lang silang dalawa. Paano pa kaya kung umalis sila at maiwan na lang kaming dalawa ni Ninong dito sa loob ng kwarto?
Madaling araw pa, hindi ba pwedeng magpahinga na muna siya dahil kakagising niya lang? Sasabihin ko ba kaagad ang tungkol sa anak namin? Baka hindi pa siya pwedeng mabigla! Tumingin ako kay Senyorito Isidro upang humingi man lang sana ng tulong sa
