CHAPTER 55
Nilapag ko na muna si Alas sa kama namin para makapag-usap na kaming dalawa ni Nanay.
“Tungkol saan po ba ang pag-uusapan nating dalawa, 'Nay?” tanong ko sa kanya. Magkaharap kaming nakaupo ngayon sa sala. Wala pa ba si Tatay dito?
“Nagkausap kaming dalawa ni Senyorito Leandro kanina. Gusto ka niyang makausap, Ligaya,”
Kinabahan ako sa sinabi niya.
“Gusto niya po akong makausap? Sinabi n'yo ba sa kanya ang tungkol kay Alas, 'Nay?” natatakot na tanong ko.
“Hindi ko sinabi sa kanya ang tungkol kay Alas, Ligaya, kasi wala naman akong karapatan na sabihin 'yon. Ikaw lang ang may karapatang sabihin sa kanya ang tungkol kay Alas,”
Buntong-hininga ito.
“Marami siyang sinabi sa akin. At sa tingin ko kailangan n'yong mag-usap. Kayong dalawa ng Ninong mo,”
Ito na ang tamang or
