CHAPTER 19
LIGAYA'S POV
“Ligaya, dito ka na lang muna sa bahay. Ipapaalam ko na lang kay Lilet na may lagnat ka. Sigurado ka bang kaya mo ng mag-isa rito sa bahay? Pwede namang hindi na lang muna ako pumasok,”
Nagpumilit akong bumangon. Nilagnat ako kagabi dahil nabasa ako ng ulan nang umuwi ako.
Nag-aalala si Nanay, ayaw niya akong iwang mag-isa rito sa bahay. Pero kaya ko naman ang sarili ko at alam ko naman na may trabaho siya.
“Ayos lang ako, 'Nay. Kaya ko naman ang sarili ko 'wag po kayong mag-alala sa akin,” nakangiting sabi ko. Hinaplos niya ang aking noo. Bakas ang pag-aalala sa kanyang mukha.
“Sigurado ka ba? Parang hindi ko ata kaya na umalis tapos may lagnat ka. Wala pa naman ang kapatid at Tatay mo rito,”
Kinuha ko ang kamay niya at hinawakan iyon.
“Kaya ko naman a
