KISHA’S POV
Pero nang papaandarin ko na sana ang sasakyan ay napahinto ako nang makita ko ang babaeng magulo pa ang buhok na bumaba mula sa umaalog na sasakyan kanina. Inayos pa niya ang buhok niya gamit ang mga daliri.
Pero nang lumingon siya sa may gawi ko ay napakunot ang noo ko. Kitang-kita ko ang mukha niya ngayon.
Natatandaan ko siya.
Iyong babae sa restaurant na pinagpapantasyahan din si Renzo. Iyong nasa likuran ko noong bumili ako ng pagkain namin ni Renzo dahil wala pang stocks sa bahay ko. May kausap siyang babae noon at tandang-tanda ko pa ang pinag-uusapan nila.
Anong ginagawa niya rito?
Sinundan ko siya ng tingin. Sumakay siya sa isa pang sasakyan bago umalis. Ibig sabihin, posibleng hindi siya nakatira sa building pero bakit sa mismong parking lot pa siya gumawa ng mil
