Napilit ko rin si Benjamin na muli akong papasukin sa opisina ni Mr. Ong.
Ang gusto sana nito ay isama ko si Julie bilang aking secretary.
Pero, tinanggihan ko iyon dahil ayokong makaabala pa nang husto kay Julie.
Pagpasok ko sa pintuan ng opisina ay bumungad agad sa'kin ang iba’t-ibang klase ng mga bulaklak.
Napasimangot ako nang makita ang mga iyon.
“Wala na ngang pera, gastos pa nang gastos sa mga bulaklak. Feeling talaga ng Rey na 'to, makukuha ako sa pabula-bulaklak. Bw*sit!” nagngingitngit na bulong ko sa sarili.
“Maayos na ba pakiramdam mo?” Napaigtad ako nang marinig ang tanong ni Rey mula sa aking likuran.
Dala nang pagngingitngit sa’king dibdib ay hinarap ko siya at dinuro-duro sa kaniyang dibdib.
“Alam mo Mr. Alejandro, ‘wag mong sayangin ang pera para sa mga bul
