ANTONETTE
Dumating sa bahay ang buong pamilya ni Steven maliban sa kanyang ama. Nasa kongreso daw ito kaya hindi nakapunta. Nagkunwari akong nanghihina at hindi pa mabuti ang lagay dahil sa matinding pagkabigla ng pag-uwi ni Steven. Eto ang naisip kong paraan para hindi namin kinakailangang maging gaanong malambing ni Steven sa isa't isa. Ang nanay ni Steven na pagkakita pa lang sa anak ay agad na humagulhol at yumakap. Si Ate Madelle naman ay ganun din, napayakap nang mahigpit sa kanyang bunsong kapatid at tahimik na napaluha. Si Kuya Arthur naman ay simpleng tapik lang sa balikat ang ibinigay. He's a well built man on his late forties. Lamang lang ng mga dalawang pulgada sa tangkad si Steven. Matapang ang mukha na lalong mas pinatapang pa ng makapal na bigote at mga kilay. Nagmistulang
