NILISAN niya ang opisina ni Blake nang hindi na naman nagpapaalam. Wala siyang pakialam kung magalit man ito. Ginawa niya naman ang trabaho ng maayos buong araw kaya ayos lang iyon.
Nasa ground floor na siya ngayon at palabas na sa main entrance. Maingay sa labas lalo na sa bandang malapit sa gate. Nagtataka siya kung ano ang pinagkakaguluhan kaya siya nagtanong-tanong.
"Nakapadlock ang gate, Ms. Trixie. Hindi ko alam kung bakit." anang babaeng kanyang napagtanungan.
"Wait, kausapin ko lang ang guard." Nakiraan siya para marating ang security booth na malapit sa main gate.
Bago niya kausapin ang security guard na nakaduty ay pumasok muna siya sa loob ng sasakyan na iniwan niya kanina sa gate. Nakahambalang parin iyon at wala man lang nagsabi sa kanya na igilid. Marahil walang sasakyan
