"Sinabi ko na sa'yo na hayaan mo na siya. Tignan mo tuloy ang nangyari sa'yo!" sermon ni Vincent kay Romana.
Pinahiran nito ng alcohol at gamot ang natamo niyang kalmot sa mukha.
Kumibot ang kaniyang labi.
"Wala lang ang mga sugat na 'to sa natamo ni Laila," pasaring niya.
Namamaga ang nguso nito at nawalan pa ng malay dahil sa ginawa nitong malakas na pagsipa sa mukha ng babae.
Pinag-aralan niya ang reaksiyon ni Vincent ngunit mistulang hindi ito apektado sa kaniyang sinabi.
"Hindi ka ba nag-aalala sa asawa mo?" muli niyang tanong.
Nais niyang tiyakin kung totoong wala na nga itong natitirang pagmamahal sa babae. Ibinaba nito ang hawak na bulak na may alcohol at saka seryoso na tumingin sa kaniya.
"Puwede ba na huwag na natin siyang pag-usapan? Umiinit lang ang ulo ko kapag nakar
