Hindi madaling magsimula ulit ngunit wala siyang ibang choice kundi harapin ang mga bukas nang mag-isa. Simula nang umalis si Evo ay lubos siyang nahirapan. Bagama’t marami siyang tauhan na magsisilbi sa kaniya, iba pa rin ang pakiramdam na mayroong isang taong katuwang sa lahat ng bagay.
Upang malibang, sinubukan niyang maggantsilyo ng sombrero, supot sa kamay at paa para sa kaniyang baby gamit ang kulay pula at kulay pink na cotton yarn. Nagtiyaga siyang manood ng mga video mula sa internet para matuto.
"Mukhang seryoso ang ginagawa natin diyan, ah!" puna ni Roman sa kaniya.
Kadarating lang nito mula sa trabaho. Pinakiusapan siya nito nang husto na ayusin ang relasyon nilang dalawa bilang magkapatid. Si Roman lang ang nag-iisa niyang kamag-anak kaya naman pumayag siya na makipagbati n
