Nanlalata na ibinaba ni Evo ang tawag. Kung kailan nakapagdesisyon na siyang lumayo at piliin ang sarili ay saka naman hahabol si Romana sa kaniya.
"Urong-sulong ka talaga, Romana. Hindi kita maintindihan. Hindi ko malaman kung ano ang gusto mo," aniya.
Pinatay niya ang kaniyang mobile phone upang hindi na siya nito muling ma-contact. Dinampot na niya ang kaniyang luggage at hinila iyon patungo sa eroplano kung saan siya sasakay.
Wala siyang balak na hintayin pa ito. Pagod na siyang umasa.
Nilingon niya ang kaniyang likuran at iginala ang mga mata sa malawak na airport. Umaasa na masisilayan ang pinakamamahal na babae bago lisanin ang bansa. Ngunit wala.
“P-paalam. Nawa ay maging masaya ka sa piling ng taong pinili mong makasama.”
Ipinihit niya muli ang tingin sa unahan at nagsim
