Magbuhat nang araw na iyon ay tila ba palaging may iniisip si Rita. Napansin ito ni Martin dahil medyo madalas na silang nagkakasama, ngunit kapag tatanungin naman n'ya ito ay ngumingiti lamang ito sa kanya. Naisip niya na baka may sinabi ang bunsong kapatid dito nang maiwan ang mga ito sa hardin, kaya hinanap niya ito at kinompronta.
"Wala naman ako masyadong sinabi sa kaniya, ang sinabi ko lang naman ay magsaya na s'ya dahil malapit nang umuwi si ate Claire dito sa Pilipinas." Walang takot na sagot ni Matina.
"At bakit mo naman naisip na may magbabago oras na umuwi na si Claire, aber? Hindi pa ba malinaw sayo na imposible kaming dalawa dahil hindi naman namin gusto ang isa't isa, ha? Alam mo, pareho kayo ni mommy. Bakit hindi na lang kayo mag-move on at tanggapin n'yo na lang si Rita
