"Narinig ko ang pag-uusap nila Martin at Matina kagabi, at base sa narinig ko ay mukhang mahihirapan akong kumbinsihin siya na hiwalayan ka, kaya, sa'yo na ako dumirekta... malaking halaga na ang 200,000 kaya, kunin mo na." Tila pasensyosang pagkumbinsi ni Roda.
"M-ma'am roda, hindi ko po kukunin ang pera n'yo–"
Kumunot ang noo ni Roda. "Bakit, naliliitan ka pa rin ba? Sige..." Muli niyang kinuha ang checkbook n'ya at muling nagsulat, pagkatapos ay pinilas n'ya iyon at iwinasi-wasiwas sa harapan ni Rita. "300,000. Siguro naman ay wala ka nang angal dito, ano? Ito na rin ang huling halaga na maio-offer ko sayo, kaya hangga't nakakapagpasensya pa ako ay kunin mo na ito."
Naitutop ni Rita ang kanyang labi. "Ma'am roda, hindi n'yo po siguro ako naiintindihan. Hindi ko po kukunin ang pera ny
