Sa loob ng kanilang suite ay inaalo-alo ni Rita si Sophia na noo'y nakahiga na sa sahig. Naglulupasay ito at tinutopak na dahil kanina pa ito naghihintay sa pagdating ng kanyang ama, dahil nangako ito na ipapasyal s'ya nito sa mga malalaki at magagandang pasyalan sa Maynila ngayong araw. Excited pa naman ito, maging si Rita.
"Kaunting hintay pa, anak, baka nagkaproblema lang sa bahay o sa kumpanya ang daddy mo. O, kaya ay baka naipit lang sa traffic kaya wala pa siya hanggang ngayon." Alo ni Rita.
"Naynay, lit ayo!"(Nanay, umalis na tayo!) Wika ng bata na tila paiyak na.
Napabuntung-hininga si Rita. Ayaw sana niyang tawagan si Martin, maliban na lang kung emergency. Tinawagan niya na lang ito para itanong kung matutuloy pa ba sila, ngunit panay ring lang ang cellphone nito. Wala siyan
