"Matin!" Tawag ni Sophia nang makita ang kanyang ama paglabas n'ya ng kuwarto nilang mag-ina.
Naudlot ang pagsasalita ni Martin. Yumuko s'ya at kinarga ang bata. Hinalikan n'ya ang malambot na pisngi nito. "Pia, anak, pasensya na kung hindi ako nakapunta kahapon, ha. Nagkaproblema kasi si daddy, naghintay ka siguro."
"Puwede mo na bang sabihin kung ano ang nangyari?" Tanong ni Rita. Hindi n'ya mapigilang ma-curious sa sinabi nito kanina.
Natigilan si Martin. Kanina, sa pagpunta n'ya dito ay naisip n'ya maging tapat kay Rita at sabihin na may nangyari sa kanila ni Claire. Naisip nya na wala naman sigurong problema kung ibabahagi n'ya iyon sa dating nobya, ngunit nang makita n'ya si Sophia ay naapektuhan na malaki ang desisyon nya; pakiramdam n'ya ay may masisira sa kanila kapag sinabi
