"Ikaw ba ang... girlfriend ng anak ko? Ikaw ba ang girlfriend ni Martin?"
Natigilan at halos masamid si Rita sa sarili niyang laway nang marinig ang tanong na ito ni Roda. Nung una ay hindi n'ya masyadong inisip ang magiging resulta kapag nalaman ng lahat ang tungkol sa relasyon nila ni Martin, hindi n'ya ito masyadong inintindi. At ngayong nangyari na nga ay hindi n'ya akalaing matatakot s'ya nang ganito.
Nagkaroon ng katahimikan dahil lahat ng naroon ay may kakatwang ekspresyon sa kanilang mukha.
"A-ano po... um... a-ano...." Nagkandautal-utal si Rita sa pagsagot. Gusto sana niyang sagutin agad ang tanong ng amo dahil nalalaman niyang ayaw nito ang naghihintay, ngunit hindi n'ya alam kung paano ito sasagutin.
Biglang nabasag ang katahimikan sa naging reaksyon ni Matina. Natigilan ito
