Isa-isang nag-alisan ang mga katulong dahil pribadong usapin na ito ng pamilya del prado.
Sa pag-alalay ng isang may-edad na katulong ay dahan-dahang tumayo mula sa sofa si Leonora. Nakahawak ito sa kanyang ulo habang ang isa niyang kamay ay nakahawak sa kanyang tungkod. "Gusto ko nang magpahinga, aakyat na ako." Pakiramdam niya at tila naubos ang lakas n'ya dahil sa nangyari kanina.
"So, totoo nga? S'ya ang... nobya mo na gustung-gusto kong makilala?" Naggagaliting tanong ni Roda. Pigil-pigil nito ang kanyang pagsabog.
Nalalaman ni Martin na ganito ang mangyayari kaya nga ayaw n'yang sabihin ang tungkol sa relasyon nila ni Rita, ngunit hindi n'ya akalaing sasaktan ito ng ganito ng kanyang ina.
"Bakit?!" Galit na inihagis ni Roda ang ralph Lauren na Jacket ni Martin sa sahig. "Bakit
