"Rita, ayos ka lang? Ibig bang sabihin hanggang ngayon na tatlo taon na ang nakakalipas ay hindi mo pa rin alam na may amnesia si kuya?"
Napailing-iling si Rita. "Kaya pala... kaya pala takang-taka ako sa biglaan niyang pagbabago. Yun pala..."
"Oo Rita. Kaya nga nagawa yun sa'yo ni kuya, e. Nalaman ko na lang ang nangyari pagbalik ko after two weeks ko sa Bohol. Pagbalik ko ay wala ka na, ang sabi sa akin ni mommy ay umalis ka na raw dahil hindi mo raw matanggap na si ate Claire at pinili ni kuya. Sinasabi ko na nga ba at may gagawing hindi maganda si mommy, kaya pala ipinagtabuyan n'ya ako nung araw na yun sa ospital."
Nagsimula nang umiyak si Rita nang marinig n'ya ang sinabi ni Mayette. "Anong ibig mong sabihin na may ginawa ang Mommy mo?"
"Rita, bin'rainwash nila mommy at Matina s
