Humahangos nang umuwi si Rita na ikinagulat ni Lorna. "Anong nangyari sa'yo, bakit humahangos ka?" Nagulat s'ya nang bigla na lang itong kumuha ng bag at mag impake. "O, e, ba't ka nag-iimpake? Saan ka naman pupunta?"
"Kahit saan po, basta yung malayo kay Martin."
"Ano? Malayo sa ama ni Sophia? Bakit?"
At ibinahagi ni Rita ang nangyari kanina nang puntahan n'ya ang dating nobyo:
"B-Bakit nasa iyo yan?"
Hindi sinagot ni Rita ang tanong na ito ni Martin bilang pagpapakita na tapos na siyang magpakumbaba dito. "Kung ganun ay sa'yo nga ito. Heto." Inihagis n'ya ang keychain.
Hindi nasalo ni Martin ang keychain dahil hindi n'ya akalain na ihahagis iyon ni Rita sa kanya, bumagsak iyon sa marble na sahig. Nagulat na lamang s'ya nang makitang nabasag yun. "Anong ginawa mo?!" Sin
