Habang nakahiga sa kama ko nang gabing 'yon ay iniisip ko ang mga nangyari kanina. Napangiti ako lalo na't mukha niya talaga ang naaalala ko at mga pangyayari kanina.
Makulit pa rin talaga siya kapag nalalasing..
Naglakad na kami no'n ni Chloe papalapit sa kanila. Napatingin ang mga 'to sa amin, maging siya.
"Sir," tawag pa ng mga ito sa akin nang makalapit na kami.
Tinanong pa ng mga ito kung bakit kami sabay ni Chloe at sinagot naman ito ni Chloe na nagkasalubong kami sa labas.
Pagkatapos kami nitong salubungin ay nagyaya naman na ang mga ito sa table namin.
Nang makaupo ay nagawi ang tingin ko dito at tahimik lamang ito.
Nagtanong pa si Dexter na mabuti raw ay nakapunta ako. Kung alam lang nila kung gaano ka-excited pagkabasa na pagkabasa ko palang ng message ni Chloe at tsaka gu
