Mag-alas dose na nagising si Millen. Kundi hindi pa kumalam ang kanyang sikmura ay hindi pa didilat ang kanyang mga mata. Mabuti na lang dahil araw ng sabado at wala s'yang pasok.
"Ang sakit ng ulo ko! Hindi na ako uulit talaga, first and last na ito." Bulong n'ya habang sapo ang kanyang ulo.
Dahan-dahan na bumangon ang dalaga. Hindi na s'ya nagulat ng mapagtanto na iba na ang damit na suot n'ya. Bumaba ang dalaga at nadatnan na naghahain na ng pananghalian ang ina. Kasama nito ang kanyang Tiyang Marie.
"Mabuti dahil gising ka na. Ano'ng nangyari sa'yo kagabi at lasing na lasing ka na naihatid dito?" usisa ng ina.
"Nagka-ayaan lang po kasama ang mga taga-opisina," saad n'ya sa ina at naupo na upang kumain.
"Nak, ang sabi ko maglandi ka ng makahanap ng matinong mapapangasawa. Hindi i
