CHAPTER 14
Klara POV
Pagdating ko sa bahay matapos ang ensayo, agad akong sinalubong ng malamig na aura mula kina Mama at Papa. Hindi pa man ako nakakapagpalit ng damit ay pinaupo na nila ako sa dining table para kausapin. Halata sa mukha ni Mama ang bigat ng loob niya, habang si Papa naman ay seryosong-seryoso ang ekspresyon.
“Klara,” simula ni Mama, “may narinig kaming balita. Totoo bang nililigawan ka ng lalaking ‘yon? Si Andreas?”
Napabuntong-hininga ako. Alam ko na ang patutunguhan ng pag-uusap na ito. "Opo, Ma. Totoo," sagot ko nang direkta, pilit na nagiging kalmado.
“Hija,” singit ni Papa, “hindi ka ba nag-iisip? Alam mo naman ang sitwasyon natin. Hindi pwede ‘yung ganitong klaseng relasyon. Mahirap tayo, Klara. Alam mo ba kung gaano kahirap ang magiging buhay mo kung magkakar
