CHAPTER 36
KLARA'S POV
Matapos ang kasal namin ni Andreas, hindi na namin pinagtuunan ng pansin ang honeymoon. Mas mahalaga sa amin ngayon ang pamilya namin—si Klaus, ang pinakamahalagang bunga ng pagmamahalan namin. Hindi ko rin binalikan ang dati kong trabaho bilang mananayaw. Alam kong noon, iyon ang mundo ko. Pero nagbago na ang lahat. Ang mundo ko ngayon ay ang anak ko at si Andreas.
Pinaalam ko ito sa management ko, at kahit may panghihinayang, tinanggap nila ang desisyon ko. Hindi ko inaasahang darating ang araw na pipiliin kong talikuran ang bagay na minsang naging buhay ko. Pero ngayon, mas buo ang loob ko. Mas sigurado ako. Hindi lang para sa sarili ko, kundi para sa pamilya namin.
Habang nakaupo ako sa nursery room ni Klaus, pinagmamasdan ko ang mukha niyang payapa habang na
