"Oh, thank you. Sa wakas binigyan mo 'ko ng project." Nasa condo siya ni Lolita dahil may ibinigay siyang maliit na role sa isang teleserye. Ipinilit lang niya iyon sa direktor na ibigay na lang iyon kay Lolita. Nangako siya sa direktor na aayusin naman ni Lolita ang pagganap, kung hindi ay hindi na ito makakaulit.
"Pero kailangan mong ayusin ang sarili mo nang makakuha pa ng ibang project. At hindi ko na ulit gustong mapahiya. Lolita."
"I promise... Bigyan mo pa 'ko ng mas malaking role. Kahit ano. Kahit hubadera. Maglalaway ulit sa 'kin ang Papa mo."
Isang nakakalokong ngiti ang pinakawalan niya. Hindi na ito hahabulin ni Hector Sanrio, sigurado siya roon. May hinala siyang nasa isip na hindi pa niya makumpirma hanggang ngayon. Pero ang dalawang beses na pagpapadala ng mag
