Miss Montano, ano ang pakiramdam na kahit baguhan ka pa lang ay napasabak ka kaagad sa pag-arte at magagaling na artista pa ang nakasama mo sa Love Me, Woman?" tanong ng isang reporter habang nasa presscon sila sa isang hotel sa Makati.
Isang buwan nang nasa ere ang teleseryeng kinabibilangan niya at maganda ang feedback ng mga manonood. Siya ang isa sa love interests ng bidang lalaki bagama't hindi siya ang makakatuluyan nito sa huli. Gayunman ay nagdudulot na ng bagong kilig ang una nilang mga scenes dahilan para lalong ma-curious ang tao sa kanya. Kinakabahan man ay excited siya na ipakilala ang sarili. Lahat ng taong masasalubong niya ay nginingitian niya. Hindi niya gustong magkaroon kahit na katiting na negatibong impresyon ang sinuman sa kanya.
"Sobrang grateful po ako. Un
