Isang pumpon ng bulaklak ang dumating sa apartment nila na ikinakilig ng mga kapitbahay ni Georgia. Galing iyon kay Justine. Ibinalita kasi nito kagabi na may bago siyang project sa isang TV station. Isa iyong malaking project na kailangan niyang simulan kaagad. Papatayin na ang character niya sa Love Me, Woman dahil bibida na siya mismo sa bagong teleserye. Humanga kasi ang may-ari ng TV network sa galing niya sa pag-arte at sa pagtanggap ng tao sa kanya. Kabi-kabila na rin ang tumatawag kay Justine na advertising agencies para mag-inquire kung puwede siyang mag endorso ng produkto. Nalulula man ay buong puso niyang tinatanggap ang bumubulusok na kasikatan.
Mamaya ay lilipat na rin siya sa condo dahil na rin sa utos ni Justine. Hindi na raw bagay sa kanya ang tinitirhan nilang ap
