NASAPO ni Bryle ang kaniyang noo sabay lapat ng kaniyang ulo sa backrest ng sofa.
Nandoon na siya sa penthouse noon, kararating lamang niya.
Si Kean mismo ang naghatid sa kaniya sa lugar kung saan dapat sila magkikita ni Brianne nang nagdaang gabi, kinuha niya doon ang kaniyang iniwang sasakyan.
Habang patungo sila doon ay napakadalang magsalita ni Kean, maging siya ay halos hindi magsalita.
Alam niya kung ano'ng tumatakbo sa isip nito. Hindi na sila mga bata at alam niyang alam nito na mayroong nangyari sa kanila ni Brianne sa loob ng kuwarto nito kanina.
Ngunit sa madalang na mga salitang binitawan nito kanina sa kaniya ay may ilang pangungusap ang tumanim sa isip niya.
"Pagkatapos ng mga nangyari kanina ito lamang ang maipapayo ko sa'yo—Quit. Suwerte si Brianne sa'yo Bryle, pero k
