KATATAPOS lamang maghain ni Brianne ng pagkain para sa tanghalian nang pumasok sa dining room si Ethan.
Bukod sa preskong anyo nito dahil katatapos lamang nitong maligo ay nakaguhit sa labi nito ang masayang ngiti na umaabot sa mga mata nito.
Mahigit tatlong linggo pa lamang mula nang magsama sila pero kapansin-pansin ang mabilis nitong improvement buhat sa depression, maging ang katawan nito ay nakakabawi na din.
"May magandang balita ako!" masayang sabi nito sa kaniya.
Ngumiti siya.
"Sa totoo lang ako rin," wika niya sa mababang tono, medyo seryoso.
"Sige, ikaw na ang mauna. Excited na akong marinig eh..." nakangiting sabi nito habang nakatitig sa kaniya.
"Tumawag ang opisina kanina, at sinabing maaari na akong bumalik sa trabaho." kaagad niyang sabi dito.
Nabawasan ang ngiti nit
