INIAAYOS ni MJ ang gamit niya sa locker nang mapansin ang pamilyar na mukha sa hallway papasok sa loob nitong garments factory na pinapasukan niya.
Ilang ulit pa siyang lumingon upang matiyak na hindi siya namamalik-mata.
Medyo may nagbago din paano sa hitsura nito dahil sa bahagyang pagpayat.
"Good morning Ma'am Brianne!" nakangiti at tila masayang bati dito ng ilang empleyado naroon. "Welcome back po namiss ka namin..." halos korus na dugtong pa ng mga ito.
Si Brianne, ito ang kanilang Personnel Manager doon sa garments factory na pinapasukan niya.
Matagal itong nawala dahil sa ilang malalang kadahilanan sabi sa mga bulung-bulungan, pero dahil hindi naman siya mahilig sa tsismisan ay hindi na siya nakiusyuso't inalaman ang totoong nangyari o kadahilanan.
Sa ngayon ang mahalaga ay
