NAKARAMDAM ako ng isang mainit na kung ano sa aking mukha. Dahan-dahan kong binuksan ang aking mata at agad nasilaw sa sikat ng araw. Kinapa ko ang gawing kaliwa kung nasaan si Lana ngunit wala na siya roon.
Bumangon ako at humikab, sabay unat ng aking mga kamay. Bagong umaga.
Napabaling naman ako sa kabila at nakitang wala na doon si Colton.
Naalala ko agad ang sinabi sakin kagabi ni Colton, na mag-uusap kami. Pakikinggan ko siya kahit hindi pa ako handa. Hindi ko rin alam kung kailan ako magiging handang pakinggan ang sasabihin niya sa akin.
Gusto kong marinig ang panig niya, ng sa gayun ay maliwanagan ako at saka magdedesisyon. Ayoko ng magpa dalos dalos kagaya noon. Umalis ako ng pilipinas ng walang pasabi, at si Lana ang mas naapektuhan dahil lumipas ang mga taong wala siyang a
