“Aalis na tayo?” Nakaramdam ng lungkot at panghihinayang si Aila.
Ang totoo, ayaw pa niyang umalis. Nag-e-enjoy pa kasi siya na kasama ang pamilya ni Nico.
“Madami pa tayong dapat gawin, hindi ba?” Nagpapaalala ang tingin na ibinigay sa kanya ni Cairo. “May mga dapat pa tayong tapusin.”
Naiintindihan niya kung anong tinutukoy ni Cairo. Iyon ay ang kanyang misyon. Hindi niya alam kung hanggang kailan ba sila maglalakbay at maghahanap. Hindi din niya alam kung mahahanap ba talaga nila ang mga itinakdang mandirigma.
Gustong manlumo ni Aila. Ngayon pa nga lang siya nag-e-enjoy, mapuputol naman kaagad.
Inabot ni Cairo ang kamay ni Aila at marahang pinisil. “Huwag kang mag-alala, hindi pa tayo babalik sa palasyo.”
Binigyan niya ito ng isang matipid na ngiti.
“Ayaw mo ba sa palasyo, ate
