Ngumiti ulit si Aila kay Ryeuki nang makalapit na ang huli sa kanya.
“Walang taste lang naman ang hindi makaka-appreciate ng lugar.” Aniya.
Kumilos ang mga kamay ni Ryeuki palapit sa kanya. Agad namang umilag si Aila. Pero napahiya din ang dalaga nang makitang may kung anong hinuli si Ryeuki sa may harapan niya. Akala kasi ni Aila, hahawakan nito ang mukha niya.
Malapad ang ngiti na inilapit ni Ryeuki ang mga kamay na magkatagop at inihinto sa tapat niya.
“Tingnan mo, nakahuli ako.” Parang bata ang kamahalan na tuwang-tuwa sa kung anong laman ng mga kamay nito.
Lumapit pa si Aila sa pinuno para mas maayos niyang makita ang laman ng kamay nito. Marahang binuksan ni Ryeuki ang mga kamay at unti-unti, lumipad palabas ang mga alitaptap.
Tatlo.
Tatlong makikinang at masisiglang alitap
