“Nah! Pagod na yata ako. Kung anu-anong nakikita ko. Pati mga biro ni Mang Lucio, naiisip kong totoo.”
Papatayo na sana si Aila nang mapansing lumalaki ang tubig sa creek. Para bang aapaw iyon, pero hindi naman nangyari. Sa mismong tapat niya naiipon ang tubig at para bang bumubuo ng isang figure. Napakalaking figure ng isang halimaw na gawa sa tubig.
Nanlaki ang mga mata ni Aila habang nakatitig sa monster figure na tubig. Ni hindi niya nagawang kumilos dahil sa matinding takot. Malakas na napatili ang dalaga nang bumuka ang bibig ng halimaw na tubig. Naitakip nalang niya ang mga kamay sa sariling mukha nang lumapit iyon at lamunin siya.
“Akhi…”
Napatigil si Cairo sa pakikipaghabulan sa batang si Niko. Halos araw-araw ay dumadalaw siya doon kina Aling Martha. Naiinip na siya dahil wa
