Tinuyo nila gamit ang tuwalya ang buhok ko pagkatapos no’n ay blinower nila. Nakatingin lang ako sa sarili ko sa salamin at kung ano ang ginagawa nila. Mainit na hangin na bumubuga sa buhok ko para mabilis matuyo.
Matapos nilang i-blower ay hinati nila sa apat ang buhok ko. Pagkatapos ay sinimulan nilang pahiran ng chemical. Hindi ko alam kung ano ‘yon pero kulay puti.
Nilingon ko si Sir Raevan sa salamin. Ginugupitan pa rin siya. Seryoso naman siya habang nagbabasa sa magazine.
Habang nakababad ang pinahid nila sa buhok ko, may nagpo-foot spa naman sa akin. Nakaka-relax dahil ang dami pa lang kalyo ng paa ko. Ang dami nilang naalis kaya nang matapos ay kuminis ang paa ko at para bang lumambot. Pagkatapos sa foot spa ay pedicure naman ang sumunod nilang ginawa. Hindi mahahaba ang kuko k
