Chapter 33
Nahirapan akong maghanap ng damit na pwedeng pang labas. Nagkamot ako ng sintido habang pinagmamasdan ang nilabas kong ilang damit ni Mona.
“Puro bistida.”
Hindi ako sanay magsuot ng mga ganito e. May pantalon si Mona pero maluwag sa akin. Mas payat kasi ako kaysa sa kaniya. Magmumukha akong hip-hop dancer kapag pinilit kong isuot ang pantalon ni Mona.
“Vivien,” tawag ni Mona sabay katok sa pinto.
“Hinihintay ka na ni Sir Raevan. Dalian mo na,” dugtong niya.
Binuksan ko ang pinto para papasukin si Mona. “Hala! Hindi ka pa bihis? Kanina ka pa hinihintay ni Sir,” wika niya nang masilayan akong naka-uniform pa rin.
“E… wala akong mapili e,” wika ko. Nilingon niya ang mga nakalatag na damit sa ibabaw ng kama.
Kinuha niya ang kulay maroon na bistida. “Hindi ako nagsusuot niya
