Chapter 32
Kanina pa ako papanik-panik dito sa itaas. Nananakit na ang mga tuhod ko’t hita dahil sa dinami-dami ng kwarto sa pangalawang palapag… sa third floor pa talaga ang sa kaniya.
Exercise yata niya ang pagpanik kaya malaki ang katawan. E… paano naman akong hindi sanay sa exercise? Nilingon ko ang sarili habang humahakbang paakyat.
Payat ako at hindi kasing tigas ng katawan niya. Hihingalin talaga ako nito. Lalo pa at hindi ako sanay. Ang haba pa naman ng hagdanan pagkatapos ang taas bawat floor. Kaya naman, para na rin akong umakyat isang gusali na walang elevator.
Pagkarating sa ikatlong palapag ay hinahabol ko ang sariling hininga. Pinagpawisan agad ako. Nilingon ko pa ang ibaba kung gaano talaga kataas ang inaakyat ko makarating lamang dito. Mas lalo kong nadama ang pagod sa
