Kasalukuyan na kaming naghahapunan nang may dumating na delivery. Para raw sa akin ang delivery. Lahat ng mga kasamahan ko ay nakatingin sa dalawang kahon na inabot sa akin ng delivery boy. Wala namang babayaran at pinapirma lang ako sa papel. Pangalan ko talaga ang nakasulat at wala namang ibang Vivien dito kundi ako lang.
“Ano ‘yan?” Tanong ni Mona. Ang iba ay nagpatuloy na lang sa pagkain. Tumaas ang magkabilang balikat ko.
“Hindi ko alam,” sagot ko. Wala namang nakalagay kung kanino galing. Basta ang sabi no’ng delivery man, para kay Vivien Sarmiento raw. Edi ako ‘yon.
Pagkatapos kumain ay dinala ko sa kwarto ang dalawang kahon. Ano kayang laman ng mga ‘to? Pinatong ko ang mga kahon sa ibabaw ng kama ko. Ang isa ay maliit at ang isa ay malaki. Hindi naman sila mabibigat kaya curious
