MARAMING maling desisyon sa buhay si Dalton. At ang pinaplano niya ang naiisip niyang panibagong problema niyang kakaharapin at posibleng pagsisihan niya sa huli.
Kung tatanggapin niya ang offer ni Hunter, hindi niya mabibigyan ng laya si Royal kung siya ang magiging underboss ng Sicilian clan sa bansang Pilipinas. Kung tatanggihan naman niya ang lalaki, hindi rin sila magkakaroon ng matiwasay na buhay—hindi siya tatantanan ng napakalaking grupo nito.
“I will give you time to think. One week,” iyon ang huling sagot sa kanya ni Hunter.
He and Royal wanted a simple life. Ngunit suntok sa buwan ang bagay na iyon sa kanila dahil sa pamilyang pinagmulan nila. Nagamit siya ng senyor at pinagsisisihan niya iyon ngayon. Nagtungo siya sa hotel kung saan naroon ang mag-ina matapos makausap s
